Procedures for checking of assessment results – 流程、準備和成功心得
頭盔：每一個Faculty嘅處理手法都有不同，本文中所有嘅appeal都係向Arts Faculty提出。各位同學請自行按照Home Faculty嘅指示處理，並以email為準。
放grade總有天氣不似預期嘅情況，例如明明你覺得自己攞硬A+但係偏偏就出咗個B，又或者你覺得自己掹車邊都有C，點知F埋。相信大家第一個念頭就一定係有冇搞錯，冇可能嘅冇天理呀。如果你相信改卷或計分嘅程序出咗錯，建議你向Faculty申請checking of assessment results，簡稱appeal。
Appeal使唔使錢？
Appeal要交$200，網上銀行轉賬又或者ATM入數都可以。如果Appeal成功，呢$200係會退返俾你嘅。
Appeal嘅心理預期
雖然我兩次Appeal嘅都成功提升左一個sub-grade，但係我相信好大程度係因為運氣。除非出現咗冇改卷、改卷改漏一頁、嚴重入錯分等等十分離譜嘅情況，否則通常Appeal都只會up一個sub-grade或者唔變。
尤其注意Appeal並唔係重新再mark過你所有嘅Assignment或者exam，而更加似一個techinical嘅過程，睇吓當中加減分有冇計錯、算術上有冇可以升grade嘅空間等等，所以除非你好有信心係有嚴重錯漏，又或者你想抱僥倖嘅心態搏一搏（亦都唔心痛$200），Appeal先適合你。
以我經驗，適合Appeal嘅科係會每一個assignment or grade component嘅分都有公佈，所以自己計過之後認為錯grade，又或者計完之後覺得個分啱啱踩咗喺cut off度。呢兩個都係比較上值得去Appeal嘅情況。
如果我冇任何component grade/分數，可以點算？
建議你即刻send email問Tutor或者lecturer。語氣要謙虛啲，話你想知道自己有咩不足之類。睇分/ grade真係好重要，因為係直接話俾你知Appeal成功嘅機率。
Appeal步驟
首先你應該留意Faculty email，當中會話俾你知procedure係點嘅，特別要注意截止日期，通常係出grade後兩個禮拜內。
以Arts Faculty為例，你會須要在限期前提交：
- (a) personal information (name, University number, curriculum)
- (b) information about the course and assessment result to be checked (course code and name, the assignment/examination in question, the assessment result obtained which is to be checked)
- (c) the grounds for making the request to check.
以及$200 Application fee。
（據我所知，其他Faculty嘅要求都係一樣嘅。）
相信大家都識填(a) personal information。喺(b) ，你可以特別提出某一項assignment/ course component要求重新計算，但似乎就咁要求再計一次final result都可以，唔使特別填，個人感覺呢部份唔太重要，總之填啱course code course name就OK。
而(c)就係最重要，亦都係最多人唔識嘅part啦。切記，Appeal只係俗稱，Checking of assessment result只會check for procedural irregularity or technical error in the determination of that result，唔係DSE咁有remarking。如你要求重新改卷/ 改assignment，Faculty大可直接拒絕。所以，我兩次Appeal嘅理據都係計錯分 (as a technical error)，簡單直接。
Appeal成功例子
講咗咁多，直接俾大家睇我嘅例子，我兩次都係直接寫letter send email去faculty。
例子1:
以下係我寫俾faculty嘅email:
Dear Arts Faculty,
I am writing to request for a check on the assessment grades.
- <Name + UID>
- <Course code + Course name>
- <To be checked: assignment 1, assignment component, final grade>
Grounds for making the request to check:
The marks of the <assignment 1> might be miscalculated; thus affects the <assignment component’s> grade. Also, the aggregated marks of all assessments might be possible to be calculated into one higher sub-grade even if the grade of the <assignment component> remains the same, as demonstrated in the appendix.
Thank you.
Kind Regards,
<Your name>
喺Appendix，我用小學數學計一次，類似計完個min value都係高過本身個grade嘅range咁。
例子2:
如果話例子1係理據充足，咁例子2就係比較搏一鋪嘅。呢次我並冇所有course component嘅分數，事實上，我只係有component grade/ grade range，仲要係特登問Tutor攞嘅，所以我有嘅資料並唔足以印證到有任何計算上嘅錯誤。然而我認為值得一試，因為我嘅細grade顯示我嘅final grade同cut off應該只有極少嘅距離。
以下係我寫嘅Grounds for making the request to check:
Marks for tutorial class participation and 2nd Assignment may be mistaken. The marks of all the components might also be miscalculated; It may be possible that it can be calculated into one sub-grade higher. I have attached all the assignments and relevant documents for your reference.
可以睇得出我係冇grounds嘅haha。我喺appendix上附有我所有嘅assignment同埋midterm script，希望可以動之以情，以一個學期嘅誠意及真心打動examiner。
我最後寫埋呢段：
As shown by my grades throughout the semester, I am very committed to my studies and have been consistently trying my best. I’ve worked extra hard for this class and would be really grateful if my grade could reflect that. Either way, I am thankful for your time and attention in reconsidering my overall grade.
最後一兩個星期內收到Faculty回信：
Portal SIS一兩日就會Update grade，亦會退錢入你Portal內登記左嘅bank account。
希望幫到大家。